Talaplar

„Ýaş alymlar dünýä ylmyny we medeniýetini birleşdiriji güýçdür” atly halkara ylmy maslahatyň işine gatnaşmak üçin maglumatlary doldurmagyň

talaplary

Maslahatyň iş dilleri: türkmen, iňlis we rus.

Guramaçy — Türkmenistanyň Ylymlar akademiýasynyň Taryh instituty.

Bellige alnyş.

Maslahatyň işine gatnaşmak üçin oňa gatnaşyjynyň bellige alyş kagyzyny doldurmak we çykyşyň tezisleri bilen bilelikde ony Guramaçylyk toparyna ibermek zerurdyr.

Tezisleri taýýarlamaga bildirilýän umumy talaplar

Çykyşyň tezisleri taýýarlanylanda şu aşakdaky talaplaryň berjaý edilmegini haýyş edýäris:

1.Çykyşyň tezisleri Guramaçylyk toparyna elektron poçta boýunça iberilýär.

Çykyşyň tezisleriniň möçberi A4 (210×297 mm) formatynyň 1,5 sahypasyndan (setirarasy 1,5, 14-lik ölçegde) uly bolmaly däldir.

2.Faýl setirleýin şulary öz içine alar:

Familiýasy, ady, atasynyň ady (dolulygyna), ylmy derejesi, ylmy ady, ýaý içinde ýurduň gysgaldylan ady görkezilýär;

çykyşyň ady — 14-lik ölçegde, ýarym goýy baş harplarda, sahypanyň merkezinde ýerleşdirilýär;

tezisleriň tekstiniň beýleki bölegini ýazmazdan öň 1 setiri göýbermek gerek.

3.Tezisleriň esasy mazmuny adaty Times New Roman şriftiň 14-lik ölçeginde ýazylýar we sahypanyň ini boýunça deňlenilýär. Her seresetir gyzyl çyzyk bilen tapawutlandyrylýar. Meýdanlar: ýokarsy we aşagy — 2,0 sm, çepi — 2,5 sm, sagy — 1,5 sm.

4.Çykyşyň tezisleriniň sahypalary belgilenilmeýär.

5.Çykyşyň tezisleri diňe Word (doc. giňeltmesi bilen) resminamasynyň formatynda kabul edilýär.

6.Tezisler boýunça düzedişler we goşmaçalar kabul edilmeýär. Guramaçylyk toparynyň çözgüdi boýunça tezisler kabul edilmän hem bilner.

Tezisleri, bellige alyş kagyzlary we beýleki maglumatlary ibermek.

Çykyşyň tezislerini, bellige alyş kagyzy, şeýle-de wizalary taýýarlamak we myhmanhanada ýer edinmek üçin (Guramyçylyk toparyň resmi çakylygy alnandan soň) pasportyň göçürmesini elektron poçtada 2013-nji ýylyň 15-nji iýulyna çenli maslahatyň Guramaçylyk toparyna şu salgy boýunça ibermek gerek:

history@online.tm ; taryh_turkmen@mail.ru

Guramaçylyk toparynyň iberen jogap haty siziň tezisleriňiziň we maslahata gatnaşyjynyň bellige alyş kagyzynyň bize gelip gowşandygynyň kepili bolup durýar.

Guramaçylyk topary çykyşyň tezislerine seredilmegiň netijeleri boýunça siziň salgyňyza maslahata gatnaşmaga resmi çakylygy iberer.

Guramaçylyk toparynyň resmi çakylygyny alan maslahata gatnaşyjylaryň Türkmenistana gelmegi we bu ýerde bolmagy bilen bagly ähli çykdajylar Türkmenistanyň Ylymlar akademiýasynyň Taryh instituty tarapyndan tölenilýär.

Guramaçylyk topary wiza üpjünçiligini amala aşyrýar, şeýle hem maslahata gatnaşyjylaryň aeroportda garşylanmagyny we maslahat tamamlanandan soň aeroporta äkidilmegini guraýar.

GURAMAÇYLYK TOPARY