„Gaznalylar döwrüniň türkmen edebiýaty we dünýäniň ruhy medeniýeti” atly halkara ylmy maslahat

Hormatly kärdeşler!

Türkmenistanyň Prezidenti Gurbanguly Berdimuhamedowyň 2012-nji ýylyň 29-njy awgustyndaky № 12527 belgili Kararyna laýyklykda, Türkmenistanyň Ylymlar akademiýasynyň Magtymguly adyndaky Dil we edebiýat institutynyň guramagynda Aşgabat şäherinde 2013-nji ýylyň 4-5-nji dekabry aralygynda „Gaznalylar döwrüniň türkmen edebiýaty we dünýäniň ruhy medeniýeti” atly halkara ylmy maslahaty geçirilýär.

Maslahatyň iş dili: türkmen, iňlis, rus.

Guramaçy: Türkmenistanyň Ylymlar akademiýasynyň Magtymguly adyndaky Dil we edebiýat instituty.
Tel.: (99312) 93-25-90; 93-20-27.
E-mail: dil_edebiyat.gaznaly@bk.ru.

Ylmy maslahatyň esasy bölümleri we ugurlary:

• Berkarar döwletiň bagtyýarlyk döwri we Gaznalylar döwrüniň türkmen edebiýatynyň ösüş ugurlary;
• Gaznalylar döwletiniň dili we ýazuw çeşmeleri;
• Gaznalylar döwründe ylym we dünýäniň ruhy gymmatlyklary;
• Gaznalylar döwleti dünýä medeni ösüş ojagynyň ulgamynda.

Ylmy maslahatda garaljak hem-de ara alyp maslahatlaşyljak meseleler:

1. Nusgawy edebiýat we edebiýatyň taryhy.
2. Diliň taryhy we ylmy çeşmeler.
3. Ynsanperwer ylymlar.
4. Gaznalylar döwletiniň we döwrüniň ösüş aýratynlyklary.

Maslahata gatnaşyjylaryň teklipleri boýunça maslahatyň tematikasynyň üsti doldurylyp bilner.

Resminamalar:

Maslahata gatnaşmak üçin çykyşlar 2013-nji ýylyň 15-nji sentýabryna çenli kabul edilýär.

Maslahatyň işine gatnaşmak üçin talaplar hata goşulýar.